बारेकोट (जाजरकोट):
बारेकोट गाउँपालिका, स्वास्थ्य तथा सरसफाइ शाखाको आयोजनामा वार्षिक स्वास्थ्य कार्यक्रमको समीक्षा बैठक भदौ १५ र १६ गते गाउँपालिकाको सभाहलमा सफलतापूर्वक सम्पन्न भएको छ।
कार्यक्रममा गाउँपालिका अन्तर्गत सञ्चालित विभिन्न स्वास्थ्य संस्थाहरूले गत आर्थिक वर्षमा सम्पादन गरेका स्वास्थ्यसम्बन्धी वार्षिक गतिविधि र सेवा प्रवाहको प्रतिवेदन प्रस्तुत गरेका थिए। स्वास्थ्य संस्थाहरूले पूरा गरेका विभिन्न सूचक र प्राप्त कार्यसम्पादन अङ्कका आधारमा उत्कृष्ट संस्थाहरूको मूल्याङ्कन गरिएको थियो।
मूल्याङ्कनका आधारमा गाउँपालिकाभित्र रहेका चार वटा स्वास्थ्य संस्था मध्ये स्वास्थ्य चौकी रामिडाँडा ६७.९३ प्रतिशत अङ्क प्राप्त गर्दै उत्कृष्ट स्वास्थ्य संस्थाका रूपमा पुरस्कृत भएको छ। त्यसैगरी, ६ वटा आधारभूत स्वास्थ्य सेवा केन्द्रहरूमध्ये ६०.८२ अङ्क हासिल गरी सामुदायिक स्वास्थ्य एकाइ (मैना) उत्कृष्ट भई सम्मानित भएको छ।
यस्तै, पालिकाभरिका स्वास्थ्य संस्थाहरूमा कार्यरत स्वास्थ्यकर्मीहरूमध्ये उत्कृष्ट कार्यसम्पादन गर्ने सेपुखोला स्वास्थ्य चौकीमा कार्यरत मिरा शाही ‘उत्कृष्ट स्वास्थ्यकर्मी’ पुरस्कारबाट सम्मानित हुनुभएको
छ।
प्रतिक्रिया
सम्बन्धित खवर
