जाजरकोट- हिन्दू नारीहरूको महान चाड हरितालिका तिज पर्व को अवसरमा तिज विशेष कार्यक्रम बारेकोटका ९ वटै वडाहरुले २०८२ भदौ ८-९ गते मनाउने भएका छन्।
तिज विशेष कार्यक्रम आयोजन गर्न भनि बारेकोट गाउँपालिकाले प्रत्येक वडालाई रु. ८०००/- ( अक्षररुपी आठ हजार रुपैयाँ ) का दरले बजेट विनियोजन गरेपछि प्रत्येक वडाले कार्यक्रम आयोजन गरेको हो ।
तिज पर्वको सुरुवात हिन्दू संस्कृतिमा आधारित पर्व हो, यो विशेषगरी महिलाले मनाउने यो पर्व भगवान् शिव र पार्वतीको कथासँग सम्बन्धित यो तिज पर्वको सुरुवात देवी पार्वतीले भगवान् शिवलाई पाउन गरेको तपस्याबाट भएको हो। त्यसैबेला देखिनै यसलाई नारीहरूको धार्मिक आस्था, सामाजिक भेटघाट र सांस्कृतिक उत्सवको रूपमा मनाइन्छ।
विभिन्न जातजाती, भाषाभाषी धार्मिक साँस्कृतिक विविधता युक्त देश नेपाल हो तथापि सबैको चाड पर्व, धर्म संस्कृतिलाई सम्मान गर्दै समानुपातिक समावेशीताको आधारमा चाड पर्व मनाउन बराबरी प्रथामिकता दिनु राज्यको दायित्व हो।
तिज पर्व मनाउन बारेकोट पालिकाले बजेट विनियोजन गर्नु संस्कृति संस्कार संरक्षण सम्वर्द्धनमा सरकारले विशेष ध्यान दिएको देखिन्छ ।
